O vindeiro domingo 2 de junho (nova data) visitaremos o Castro de São Cibrão de Lás um dos maiores de Galiza, e a paisagem humanizada das vinhas do Ribeiro.
O castro de San Cibrao de Las, a 450 metros de altitude, tamén coñecido como A Ciudá, Lambrica, Lansbrica ou Lanobrica, a 18 km de Ourense em Santo Amaro na zona do Ribeiro, é un dos castros galaicos en proceso de escavación de maior tamaño entre os localizados no territorio da actual Galicia, e un dos catro piares da Rede Galega do Patrimonio Arqueolóxico. Do resultado dos estudos arqueolóxicos pódese definir un período de ocupación continuada desde o século II a.C. ata o século II d.C., e con posibles ocupacións esporádicas máis tardías[1].
A Cidade é o nome tradicional entre as xentes dos arredores. Os nomes de Lambrica, Lanobriga e Lansbrica proceden de diversas lecturas que foron feitas sobre unha ara romana dedicada ao deus galaico Bandua, existente nunha casa particular na veciña parroquia de Eiras.
Polo seu tamaño pode ser comparado co de Santa Trega e coas citanias do norte de Portugal, poboamentos galaicos ou galaico-romanos da cultura castrexa que se caracterizan polo seu avanzado estado de romanización e as súas grandes dimensións. Entre os expoñentes máis significativos pódense citar a citania de Briteiros, o castro de Mozinho e o de Sanfíns.
O estudo deste castro comezou cunha primeira visita ás ruínas por parte de Florentino López Cuevillas e Vicente Risco no ano 1921. A impresión extraída do observado nesta visita levounos a solicitar os correspondentes permisos para realizaren unha escavación oficial. Estes permisos foron outorgados ao ano seguinte. (Wikipedia)
No castro existe um museu bastante bem dotado com restos arqueológicos topados no Castro. Infelizmente alguma das peças mais importantes foram levadas para o museu de Ourense.
Pode-se ver no video deste enlace
Contaremos com a companhia de André Pena Granha doutor em arqueologia. Que nos explicará a importancia desta montanha viva habitada polas nossas ancestrais.
A seguir iremos comer nas vinhas de Beade. Um passeio guiado por Eladio Rodriguez, polas vinhas depois do almoço contemplando O vale do Avia e do Minho a seu encontro em Ribadavia. Também os socalcos do Ribeiro, o xabre que é a matriz dos vinhedos e os cómaros arborizados que prestam os serviços ecossitémicos as vinhas com sua massa diversa arvorada. Socalcos, muros de pedra seca, escadas de granito compõem um ecossistema de conjunção entre o ser humano e a natureza. Acabaremos na Carreira, espaço entre o calvário e a Igreja da Encomenda de Beade, de origem românico mas na atualidade apenas conserva alguns restos desta época, sendo a maioria do monumento do sec.XVI com a magnífica torre barroca.
O Relevo do Ribeiro
O Relevo Galego está condicionado polo movimento dos blocos já consolidados, na sua maioria graníticos, procedentes do choque entre Laurasia e Godwana para dar o super-continente Pangea e posterior fragmentação deste. Como consequência dos sucessivos choques das placas tectónicas terrestres. O Vale do Ribeiro de Avia e do Minho são também o resultado desses movimentos tectónicos combinados com o processo erosivo de escavar seu caule de todos os rios.
Fonte: Vidal Romaní.
ROTEIROS DE ADEGA-LUGO 