ROTEIRO POR SANTA MARIÑA DE AUGAS SANTAS (ALLARIZ) 23-06-2013

Esperámoste no próximo, e último roterio desta campaña,  por terras de Allariz, no que teremos ocasión de coñecer o lugar no que se desenvolve a lenda de Santa Mariña de Augas Santas.

Nesta ocasión a saída de Lugo será ás 8 da mañá. Faremos unha parada no cruce de Cambeo para coller xente procedente de Santiago (ás 9:15)

 Tendo en conta que o roteiro é o día 23 de xuño e, polo tanto, coincide co San Xoán,
faremos o posible por chegar a Lugo a unha hora prudencial para podernos incorporar ás cacharelas,  se aínda nos quedan folgos e alguén nos ten invitado.                                         Ver cartel do roteiro.                                                                                                                             Ver información máis precisa sobre os lugares a visitar                                                            Este ano rematamos a campaña de roteiros  cun día e un percorrido ben fermosos, ou non? Tivemos tamén a sorte de contar con dous guías moi entregados que nos fixeron moi interesante a ruta e nos xeraron gañas de volver outra vez por esas terras.                  Podedes ver algunas fotos que reflicten o dito anteriormente.                                            DANI, votámoste en falta, como caminante e como fotógrafo.                                           Grazas a tódolos participantes e ata a vindeira campaña.

PRÓXIMO ROTEIRO: DÍA 23 DE XUÑO, POR TERRAS DE SANTA MARIÑA DE AUGAS SANTAS – ALLARIZ

ROTEIRO POLA MARIÑA-XOVE 26 DE MAIO DE 2013

Esperámosvos o vindeiro domingo, 26 de maio, no roteiro pola Mariña (Xove). Trátase dun roteiro cheo de encanto e de escasa dificultade. Nesta ocasión colabora connosco a asociación “Mariñapatrimonio”, polo que teremos a sorte de ir acompañados por persoal ben informado da riqueza do lugar, tanto no referente ás curiosas lendas como a outros moitos aspectos. Damos as grazas a esa asociación pola súa participación na organización do roteiro.

Ver cartel do roteiro

A xulgar polas fotos, o roteiro realizouse coa axuda dun fermoso día. Grazas aos participantes e, por suposto, aos guías.

Ver fotos do roteiro

 

ROTEIRO POLO ANCARES – BECERREÁ 28-04-2013

O vindeiro domingo 28 levarase a cabo o roteiro de ADEGA correspondente ao mes de abril. Transcorrerá polos Ancares, pero non exactamente polo Cebreiro, tal e como estaba previsto. Imos aproveitar unha ruta que foi preparada pola asociación “castaño y nogal” e que tamén promete ser interesante. Desculpar o cambio de itinerario.

VER CARTEL DO ROTEIRO

Despois de ter realizado o roterio penso que queda claro que non foi mala idea deixar para outra ocasión a visita ao Cebreiro, xa que o percorrido que fixemos foi ben fermoso, ou non?. Unha vez máis temos que dar as grazas aos membros da asociación “Castaño y nogal” por ternos acompañado na andaina e, por suposto, por levar a cabo a posta en valor desta ruta. Recomendámosvos visitar a súa páxina web.

Ver fotos facilitadas por Daniel Piñeiro.

Esperámosvos no próximo roteiro: día 26 de maio, pola mariña (Xove).

ROTEIRO POLA RIBEIRA SACRA 17 – 03 – 2013

ROTEIRO POLO CANÓN DO SIL (RIBEIRA SACRA)                                                                  O vindeiro domingo, 17 de marzo, esperámoste nun interesante roterio pola Ribeira Sacra. Anótate chamando con antelación aos teléfonos: 679 113 718 (pola tarde)  ou 982 24 02 99.

Faremos, se é necesario, unha parada en Sarria (fronte a EROSKY, ás 9:35) e outra en Monforte (gasolineira  GALP situada na saída da N-120 cara a Castrocaldelas, ás 10:15).

Infórmate do percorrido consultando o cartel do roteiro.

Por motivos técnicos non puidemeos “colgar”ata agora  as fotos. Desculpade.